Әдістемелік жұмыстар - СШ №42

«Функционалдық сауаттылықты қалыптастырудың тиімді тәсілдері»

admin — Wed, 26 Feb 2025 17:39:03 +0600

Функционалды сауаттылық – мектеп білімі мен адам баласының күнделікті өмірдегі көпсалалы әрекетін байланыстыру нәтижесінде тұлғаның әлеуметтік ортаға бейімдей отырып қалыптастыратын білім-бөлігі. Функционалды сауаттылықтың негізгі ерекшелігі өзгермелі қоғамның түрлі салаларында қолданбалы білімге сүйене отырып, өмірлік мәселелерді шеше білумен сипатталады .
Осы орайда №42 орта мектебі «Функционалдық сауаттылықты қалыптастырудың тиімді тәсілдері» тақырыбындағы облыстық семинарда серіктес мектептердің бірлескен сабақты зерттеу үдерісінде оқушылардың функционалдық сауаттылығын қалыптастырудың тиімді жолдарын көрсетумен қатар, іс- тәжірибелерімен алмасты. серіктес мектеп мұғалімдерінің сабақты зерттеу үдерісіндегі оқушылардың функционалдық сауаттылығын дамытуға бағытталған бірлескен зерттеу нәтижелерін көрсетті. Директордың оқу-әдістемелік ісі жөніндегі орынбасары Сандуғаш Дуанбекқызы «Қазақ әдебиеті пәнін оқыту барысында оқушылардың оқу сауаттылығын қалыптастыру жолдары» тақырыбында шеберлік сынып өткізді. Шеберлік сыныпта жаңартылған мазмұндағы оқу бағдарламалары оқушылардың қажетті дағдыларының орнын толықтыруға, яғни оқылым және жазылым дағдыларын,әлеуметпен қарым-қатынасқа түсу барысында қолдана білу қабілеттерін дамытуға және қалыптастыруға бағытталған. Функционалдық сауаттылықтың бұл деңгейі оқушыға сыртқы ортамен қарым-қатынасқа түсуге және анағұрлым тез бейімделе білуге, сол ортада қызмет жасауға жағдай туғызатындығы атап көрсетілді. Қазақ тілі және әдебиет пәнінің мұғалімі Рыскулова А.К «Тортай мінген ақ боз ат» әңгімесі тақырыбында 6 «Ж» сынып оқушыларымен ашық сабақ өткізді. «Функционалдық сауаттылыққа негізделген тапсырмалар білім алушылардың ақпаратты бағалау дағдыларын қаншалықты жақсартады?» деген проблемалық сұрақтың аясында Lesson study зерттеу тобында жұмыс жасaйтын пән мұғалімдері Г.П.Раева,Р.Е. Наржанова, М.Б.Балтабаева өз тәжірибелерімен бөлісті.
Елдің ертеңі білімнің тереңдігі мен өлшенеді . Үздіксіз өзгеріп тұрған әлем адамнан да қабілет пен қажеттіліктерді үздіксіз дамытуды талап етеді. Сондықтан білім беру саласының басты мақсаты оқушыларды өзгермелі өмірде қорықпай, еркін өмір сүруге, білім мен білігіне сай келетін бағдар таңдап алатындай дәрежеге, өз бетінше жұмыс істеу дағдыларын қалыптастыруға, олардың шынайы өмірде дара тұлға етіп қалыптасуына ықпал ету.

Lesson Study зерттеу жобасы

admin — Tue, 11 Feb 2025 13:16:48 +0600

№42 орта мектебінде Lesson Study циклін өткізу үшін зерттеу жұмыстары жоспарланып, директордың оқу-әдістемелік ісі жөніндегі орынбасары С.Дуанбекқызының бастамасымен қазақ тілі пәні мұғалімдерімен топ құрылды. Lesson Study тәсілін жүзеге асыру үшін топ мүшелерімен ақылдаса келе, «Функционалдық сауаттылыққа негізделген тапсырмалар білім алушылардың ақпаратты бағалау дағдыларын каншалықты жақсартады? деген зерттеу жүргізу жоспарланып, тізбектелген сабақтар топтамасы өтуде.
№1,2 зерттеу сабақтарының жоспарлары талқыланып, талқылау барысында ұсыныстар айтылды. Сабақтарда топтық жұмыс кезінде функционалдық сауаттылыққа негізделген тапсырмалар білім алушылардың ақпаратты бағалау дағдыларын дамытуға мүмкіндік берді. Lesson Study зерттеу жобасында, мұғалімдер оқушыларды бақылау дағдысын дамытты; Бұл зерттеу материалдары сабақ беретін мұғалімдер үшін маңызды болды.
Lesson Study зeрттеу жобасында, мұғалімдер оқушыларды бақылау дағдысын дамытты; Бұл зерттеу материалдары сaбақ беретін мұғалімдер үшін маңызды болды.

"Қазақстан Республикасының тәуелсіздігінің жариялануы"

admin — Wed, 18 Dec 2024 18:52:45 +0600

2024 жылдың 12 қараша күні тарих мұғалімдеріне арналған облыстық онлайн семинар өтті. Семинарда "Қазақстан Республикасының тәуелсіздігінің жариялануы" тақырыбындағы 9-сынып тарих сабағының жоспары бойынша тәжірибе таратылды.
Өз тәжірибесімен бөліскен тарих пәні мұғалімі, педагог-зерттеуші Жолтай Индира Токсанбайқызы сабақтың құрылымын жасанды интеллект бойынша құрастырған.
Үй тапсырмасын "Genually" платформасы арқылы сұраудың тиімділігін және де жаңа сабақты суреттер арқылы болжату,термин сөздермен байланыстыру әдістерін тиімділігін көрсетті.
Оқушылардың есте сақтау қабілетін дамыту мақсатында жаңа сабақта тірек- сызба,кесте қолданған.
Сонымен қатар, тіл байлықты дамытуда ,оқушыларды нақты өмірдегі мәселелерді шешуге үйрететін,сыни ойлау қабілеті мен мотивацияларын дамытатын "Проблемаға бағытталған оқыту" әдісінің пайдасына тоқталды. Сабақта оқушыларды бағалаудың тиімді әдістерінің бірі "Заряд қуаттары" әдісін қолдануды көрсетті және де кері байлынысты жаңа әдістердің бірі "Classroomscreen" әдісін қолданудың тиімділігін айтты.
Семинарға барлығы 92 адам қатысты.
Облыстық семинар өте жоғары дәрежеде өтті деп бағаланды.

«Интерьерді безендіру» тақырыбында шебер-сынып

admin — Tue, 10 Dec 2024 15:56:21 +0600

Білім бөлімі жылдық жұмыс жоспарына сәйкес 2024 жылы 6 желтоқсан күні «Жетістік алгоритмі» шеберханасы аясында №42 орта мектеп көркем еңбек пәнінің мұғалімі, педагог-зерттеуші Бегманова Дильбара Нуртаевна «Интерьерді безендіру» тақырыбында шебер-сыныбын, Тараз қаласы , Демьян Бедный көшесі 92, №18 орта мектебінде өтті. Семинар барысына 30 ұстаз және қалалық білім бөлімінің әдіскері Дүйсенбаев Нұрсұлтан Уалиханұлы қатысты. Шебер сыныбында қазақи нақышта, сүйектен жасалған бұйымдар көрсетілді, жасау жолдары және сүйекті өңдеу техглогиясы таныстырылды. Ауқымды тақырып болғандықтан шебер – сыныбын күнделікті қолданыста бар, пакеттен түрлі бұйымдар жасалынды. Қалалық семинар жұмысын , қалалық білім бөлімінің әдіскері Дүйсенбаев Нұрсұлтан Уалиханұлы және қатысушы ұстаздар өте жоғары деңгейде бағалады, педагогтің жұмысы облыс көлеміне таратылуға ұсынылды.

Тарих пәні

admin — Mon, 04 Nov 2024 14:10:57 +0600

Әдістемелік іс-шаралар. Коучинг

admin — Mon, 25 Feb 2019 12:22:13 +0600

Мектебімізде 15.02. 19ж. -25.02.2019 жыл аралығында І, ІІ, ІІІ деңгейлік курстан өткен ұстаздар арасында «Озық педагогикалық технологиялардың қолданылуы» тақырыбында онкүндік өтті.

Мақсаты:

Оқушылардың білім деңгейін көтеру және оқыту әдістемесін жетілдіру мақсатында мектеп тәжірибесіне енгізуді жоспарлау.
Сабақты зерттеу барысында оқытуды жақсартудың тиімді тәсілдерін дамыту барысымен таныстыру.

Қазіргі уақытта мектебімізде деңгейлік курстан өткен 13 ұстаз бар. Деңгейлік курсынан өткен педагогтар өз бірлестіктерінде оқыту, таныстыру семинар-практикумын өткізді.

Танкина Марияш Базарбаевна қазақ тілі мен әдебиеті бірлестігінде «Зерттеу сабағы зерттеу әдісі мазмұны, жұмыс жүйесін анықтау»
Джакашева Гүлнұр Сапаралиевна ағылшын бірлестіктері арасында «С какой целью следует использовать подход lesson study» ;
Бұхарбекова Үміт биология пәні мұғалімдері арасында «Топтық оқыту арқылы сыни ойлауға үйрету» ;
Орумбаева Айгүл «Топтық жұмыс арқылы ынтымақтастықта оқыту» ;
Иманалиева Гүльмира география мен химия бірлестіктері арасында «Зерттелетін оқушылардың оқуын қадағалау» ;
Байтасова Гүлбану математика , физика, информатика бірлестігі арасында «Зерттелетін оқушылардың» оқуын бағалау арқылы нәтижесін салыстыру» ;
Қосыбаев Мүсірәлі тарих пәні және өнер бірлестігі арасында «Зерттеу сабағы зерттеу әдісін анықтау» ;
Әуелжуманова Гүлзат тарих және өзін-өзі тану бірлестігі аясында «Тиімді оқыту мен тиімді оқу»
Ахилбекова Айнұр бастауыш сыныптары арасында «Жүргізілген сабақ бойынша оқыту әдістемесін дамыту, қайта қарастыру және жаңарту»
Дягилева Наталья Александровна орыс тілі мен әдебиеті бірлестіктері арасында «Реализация lesson study» тақырыбында оқыту семинар-практикумын өткізді.

Мектепішілік семинар-практикум жоспарға сәйкес өз деңгейінде өтті. Бірлестіктер арасында мұғалімдер тарапынан қолдауға ие болса, келешекте де осындай оқыту семинар-практикумын өткізуді ұсынды. Әрине біздің жұмысымыз міндетті түрде жалғасын табады және әр пән мұғалімі тиімді әдіс-тәсілдерін өз практикаларында қолданысқа енгізеді деп сенім білдіреміз.